July 2022 hta Wa Sarabyin Francis yaw shada akyu hpyi ya ai lam

July 5, 2022

Asak kaba sai ni a matu akyu hpyi ya ai.

Asak kaba sai ni gaw shinggyim masha ni a ginru ginsa, aru apawt ni rai nga ma ai.  Shinggyim masha ni matut manoi myit dum nga na ni mung rai ma ai. Shanhte a mahkrum madup ni, nyan hpaji marai ni gaw, ya kaba wa nga ai ramma ni a matu myit mada lam jaw ya ai, lit la magam gun hpai chye na matu mung garum ya nga ai. Dai majaw asak kaba sai ni a matu akyu hpyi ya ga nga nna, Wa Sarabyin Francis tsun shana dat nga ai.