Karai Kasang nga ai hpe shinggyim masha ni sawn sumru yu nna chye a ni? (5th Oct, 2020)

October 5, 2020

Karai Kasang nga ai hpe shinggyim masha ni sawn sumru yu nna, teng sha chye lu ai. Mungkan ga gaw myi hte mu ai hta nna grau lachyum sung nga ai. Mungkan shanu nga ai lam, byin tai shamu shamawt nga ai hkrang masa ni, tsawm htap nga ai lam ni, rawt jat galu kaba wa nga ai lam ni yawng gaw Karai Kasang nga ai hpe madun nga ai.

Shinggyim masha yawng gaw, tengman ai, tsawm htap ai,kaja ai hpe hkap la nga ma ai. Shinggyim masha gaw myit sawn sumru yu nna, kaja ai hpe shadut nna, nkaja ai hpe sadi jaw n ai nsen hpe tinang a kraw hta, na chye la nga ai. Ndai lam hpe galoi mung maram la chye ai wa gaw Karai Kasang hpe mu lu na rai nga ai. Sanpra ai Albert hte great (1200- 1280) Tsun ai gaw, “ Shinggyim masha a tsaw dik htum ai atsam gaw, sawn sumru yu ai lam rai ga ai.  Sawn sumru yu ai lam a tsaw dik ai madang gaw, Karai Kasang hpe mu chye lu ai lam re nga  nna tsun da nga ai.

YOUCAT

Wa sarabyin Benedict XVI