Hpaw hpang ai

Ningbaw       :       Madu e, nye a n’ten hpaw ya e.

Shawa            :       Shaloi, nye a n-gup nang hpe shakawn na nngai.

 

Saw Shaga ga

Rau: Du sa na ra ai Hkawhkam wa, Madu Karai Kasang hpe nawku nga ga.

Dai ni, ngu nna, naw tsun lu ai laman hte hta, shani shagu shada da shadum jahprang nga mu (Heb.3:13)

Shakawn Kungdawn (94) (95)

Sa marit, Madu hpe kabu gara let shakawn ga; anhte hpe hkye hkrang la ai Madu hpe shagrau ga.

Chyeju dum let, Shi a man e anhte sit shang ga, Mahkawn mangoi let Shi hpe kabu gara shakawn ga.        

 

Karai Kasang gaw mahkra dang chye ai Madu, Karai ni a Karai, grau htum ai Wa rai nga ai.

Mungkan ga a sung htum ai lam, Shi a rai nga ai. Shi galaw ai nammukdara, Shi hte seng nga ai.

Hkarang ga hpe mung Shi gyin shachyaw da nu ai.

                                                                        

Sit shang wa marit, lahput hput di let, Anhte hpe hpan da ai Karai a man e dingyawm dagup nga ga;

Shi gaw, anhte a Karai Kasang rai nga ai hte, anhte mung Shi a lata hte woi la hkrum ai,

Shi a u dat na sagu hpung rai nga ga ai.

 

Dai majaw, dai ni Shi a nsen madat la mu! Moi, dai nhtoi hta Maribah makau hte,

Massah zaibru jang na zawn nanhte a myit masin hpe hkum shaja mu.

Dai yang e, nanhte a nji nwoi ni ngai hpe dinglik yu mi ai. Mali shi ning tup ndai amyu a matu myit ba ni ai;

Dai majaw; “shanhte a myit masin dam mat sai hte, nye a lam n chye ma ai ngu ni ai.”

Dai rai nna, “ngai nga nga ai shara hta shanhte n shang lu mu ga” nga nna masin pawt ai hte dagam ni ai.

 

Kawa, Kasha, Chyoi Pra ai Wenyi kaw hkungga shakawn nga u ga.

Shawng ningpawt na hte maren, ya mung htani htana hkungga shakawn nga u ga law. Amen.

 

 

Mahkawn mangoi

 

Shakawn kungdawn ga (Psalmody)

 

Rau (1) (Antiphon)

Du sa ladaw: Ngai hta hkik hkam ai mare daju nga li ai. Ndai mare hpe maga na ngang kang ai bung hku, hpyen dap hte n’hpan ninghkap ni hpe hkye la Madu gaw gap na ra ai. Chyinghka ni hpe hpaw mu, Madu Karai Kasang anhte hte rau nga nga ai.Alleluia.

Shakawn Kungdawn :118

Karai Kasang e, ngai nang hpe shaga nga nngai; Ngai kaw alawan wa rit;

shi a chyeju htani htana a grin nga ai.

 

shi a chyeju htani htana a grin nga ai, nga nna Israela masha ni tsun nga mu ga.

Shi a chyeju htani htana a grin nga ai, nga nna Karai Kasang hpe hkrit kamyin ai ni tsun nga mu ga.

Kyin dut ai shara kaw nna, ngai Karai Kasang hpe shaga nna, Dam lada re ai shara hta e,

Karai Kasang ngai hpe htan ya nngai.

 

Karai Kasang ngai hte rau rai nga ai: ngai hpa mung n hkrit nga nngai:

Masha wa ngai hpe hpa di lu na a ta?

Karai Kasang ngai hpe karum ai wa rai nga ai. ngai hpe n dawng ai ni hta,

ngai myit shatup lu na ma we ai.

Karai Kasang hta shingbyi nga ai gaw, masha wa hpe shamyet nga ai hta,

grau kaja nga ai.

 

Masha amyu ni yawng ngai hpe kawan da mi ai,

Karai Kasang a amying hte ngai shanhte hpe

manga kau na ma we ai. Shara shagu hkan e,

shanhte ngai hpe wang da nga ma timung,

Karai Kasang a mying hte ngai shanhte hpe manga kau na ma we ai.

Lagat zawn shanhte ngai hpe jawm mi ai;

Ju hpun hkru ai wan zawn shanhte krip mat ma ai.

 

Karai Kasang a amying hte ngai shanhte hpe manga kau na ma we ai.

Ngai hpe jahkrat na, nang ngai hpe kanawng dat timung,

Karai Kasang ngai hpe shadaw da nngai,Karai Kasang gaw,

nye a n-gun hte mahkawn mangoi lam rai nga ai, ngai hpe hkye hkrang la ai wa mung, shi rai nga ai,

Dinghpring ai ni a sum ni hta e, Kabu gara ai hte hkye hkrang la ai nsen ngoi nga ai:

Karai Kasang a hkra lata gaw nlaw nga ai. Karai Kasang a hkra lata sharawt da nga ai,

Karai Kasang a hkra lata gaw nlaw nga ai.

Ngai si wa na nngai n rai:ngai naw a hkrung nga na rai nna,

Karai Kasang a amu bungli hpe naw gawn dan na nngai.

 

Karai Kasang ngai hpe ari ahpri jaw timung, si ai de ngai hpe ap kau ni ai,

n rai.Ngai shang lu nna,

Karai Kasang a chyeju shakawn nga,

Nye a matu, ding hpring ai chyinghka rai nga ai:

Ding hpring ai ni, shang lu na ma ai. Nang ngai hpe htan ya nna,

Nye a hkye hkrang la ai lam,

tai nga ndai majaw, Ngai nang hpe shakawn na nngai.

 

Wahpang gaw ai ni lata kau ai nlung gaw,

Ningjut jahtum na nlung tai wa sai:

Dai gaw Karai Kasang a majaw byin nga ai:

Anhte a man e mung mau hpa amu rai nga ai.

Dai ni gaw, Karai Kasang tawn da ai nhtoi rai nga ai.

Dai hta e,m anhte kabu nna awng nga ga.

 

Karai Kasang e, ya hkye hkrang la mi law:Karai Kasang e,

ya shaman ya mi law.

Karai Kasang a amying hte du sa ai wa gaw, a nga u ga: Karai Kasang a nta hta e,

anhte nang hpe, sha-a nga ga ai.Karai Kasang gaw Karai Wa rai nga ai rai nna,

anhte hpe jahtoi ya nga ai.

 

Hkungri a nrung ni hta e, poi hkungga hpe sumri hte gyit da mu.

Nang gaw nye a Karai Wa rai nga ndai,

Ngai nang hpe shakawn kungdawn na nngai; Nye a Karai Kasang e,

Ngai nang hpe shagrau sha-a na nngai.

Karai Kasang mai kaja nga ai majaw, shi hpe shakawn kungdawn mu:

shi a chyeju htani htana a grin nga ai law.

 

 

Rau (1) (Antiphon)

Du sa ladaw: Ngai hta hkik hkam ai mare daju nga li ai. Ndai mare hpe maga na ngang kang ai bunghku, hpyen dap hte n’hpan ninghkap ni hpe hkye la Madu gaw gap na ra ai. Chyinghka ni hpe hpaw mu, Madu Karai Kasang anhte hte rau nga nga ai.

 

Rau (2) (Antiphon)

Du sa ladaw: Hpang gara ai ni e, hka nga ai de sa marit, Madu hpe hkrum lu na aten hta shi hpe hkan tam nga mu.

 

 

 

Daniela 3:52-57+56

 

Anhte a Ji woi ni a Madu Karai Kasang, shi a hpung shingkang tsaw htum nga u ga hte

htani htana shakawn kungdawn a nga nga u ga law. Na a hpung shingkang hte hpring tsup ai

Chyoi pra ai mying ningsang hta hkungga shakawn nga u ga hte,

htani htana shakawn kungdawn a nga nga u ga law.

 

Na a chyoi pra ai hte hpung shingkang rawng ai htingnu hta,

shi a hpung shingkang tsaw htum nga u ga

hte htani htana shakawn kungdawn a nga nga u ga law.

 

Hkerubim lamu kasa ni a ntsa e shanu nga nna,

sung htum ai shara de yu mada mara nga ai Madu,

shi a hpung shingkang tsaw htum nga u ga hte htani htana shakawn kungdawn a nga nga u ga law.

 

Sumsing lamu na Hkawhkam tingnyang ntsa hta shi a hpung shingkang tsaw htum nga u ga hte

htani htana shakawn kungdawn a nga nga u ga law.

Sumsing lamu madin, n bung singkaw hta hkawm ai Madu,

shi a hpung shingkang tsaw htum nga u ga hte htani htana shakawn kungdawn a nga nga u ga law.

Sanpra ai ni hte lamu kasa ni e, Madu hpe shagrau mu.

Shi a hpung tsaw htum nga u ga hte

htani htana shakawn kungdawn a nga nga u ga law.

 

Ginding aga hte Hka panglai ni e, Sumsing lamu na Madu hpe shagrau mu.

Shi a hpung shingkang tsaw htum nga u ga hte htani htana shakawn kungdawn a nga nga u ga law.

 

Rau (2) (Antiphon)

Du sa ladaw: Hpang gara ai ni e, hka nga ai de sa marit,

Madu hpe hkrum lu na aten hta shi hpe hkan tam nga mu.Alleluia.

 

Rau (3) (Antiphon)

Du sa ladaw: Yu mu, anhte a Madu gaw, atsam kaba hte rau du sa nna,

anhte a myi hpe n’htoi jaw ya na ra ai.

 

 

Shakawn kungdawn :150 : 1-6

 

Haleluyah. Karai Wa a chyoi pra ai shara kaw e, shi hpe shakawn kungdawn mu;

Shi a atsam dan hkung ai lamu madin a ntsa e, shi hpe shakawn kungdawn mu.

 

Shi a magam bungli majaw, shi hpe shakawn kungdawn mu; shi galu kaba nga ai hte maren,

shi hpe shakawn kungdawn mu.

 

Pahtau a ngoi ai mahku hte, shi hpe shakawn kungdawn mu;

Tingse hte madum pyiman hte, shi hpe shakawn kungdawn mu;

Shup sheng dum ai hte ka let, shi hpe shakawn kungdawn mu;

Tingse sumri hte sumpyi hte, shi hpe shakawn kungdawn mu.

 

Ngwi ai shup sheng kaba hte, shi hpe shakawn kungdawn mu;

Grai ngoi ai shup sheng kaba hte, shi hpe shakawn kungdawn mu.

Nsoi nsa rawng ai yawng hte gaw,

Karai Kasang hpe shakawn kungdawn nga mu ga law. Haleluyah.

 

Rau (3) (Antiphon)

Du sa ladaw: Yu mu, anhte a Madu gaw, atsam kaba hte rau du sa nna, anhte a myi hpe n’htoi jaw ya na ra ai.Alleluia.

 

Chyum mungga                                                                                                                                  Roma   13: 11-12

        Dai hta kaga, ndai aten hpe nanhte chye nga myit dai majaw, nanhte a yup hprang wa na ahkying ya e pyi rai ra ai; kaning rai nme law, shawng nnan kam sham saga ai hta, dai hkye hkrang la ai gaw ya e nan anhte hte grau nna ni wa sai. Shana ahkying lai magang wa ra ai. Dai re majaw, nsin hte seng ai bungli hpe anhte raw sharun kau nna, nhtoi a hpyen hking hpe dagraw nga ga.

 

Shagrau aw law ga ( Benedictus ant.)

S      : Ahkrung nga ai Karai a Kasha Hkristu e, anhte hpe matsan dum rit.

N     : Madu gaw Mungkan ga de du sa ra ai. (S)

N     : Kawa, Kasha, Chyoi pra ai wenyi kaw hkungga shakawn nga u ga. (S)

 

Shakawn mahkawn gadun (Short responsory)

Laban (2): Yu u, na a lam lajang na matu, nye a shangun ma hpe na a shawng e ngai dat dat nngai.

                                                                                                                                (Zahkri a mahkawn ga) Luka 1:68-79

Dai Madu, Israela Karai Kasang gaw, A nga u-ga; Shi a amyu sha ni hpe gawan na, yu sa nna,

shanhte hpe hkye la wu ai.

 

Moi na chyoi pra ai ni rai nga ai. Myithtoi ni a n-gup hku nna, ga shaka tawn da sai hte maren;

Dawi a aru arat ni kaw nna, n-gun lagaw rawng ai. hkye la Madu hpe sharawt dat ya sai.

 

Madu gaw, n dawng n yawt ai hpyen ni a lata kaw nna, Anhte hpe shalawt ya na ru ai.

Dai rai nna, Shi a tsaw ra ai myit, ji wa ni hta dik wa sai hte, Shi a ga shaka hpe galoi mung dum nga na ra ai.

 

Shi gaw, anhte a Wa abraham hpe Hkrit hpa lam hta na lawt lu na lam,

hpyen ni a lata hta na Hkrang shaw la na lam, jaw ya na matu ga shaka da sai.

Shing rai, Shi a man e anhte a prat tup, chyoi pra ai hte, ding hpring ai hku daw jau lu na ga ai.

 

Ma e, nang mung, Tsaw Htum ai Wa a myihtoi ngu hkam la na rin dai.

Shi a lam lajang shachyip na matu, Madu a shawng e, nang sa ra ndai.

 

Dai gaw, Shi a amyu masha ni hpe, tsaw htum ai shara kaw nna,

jahpawt manap nhtoi zawn sa du gawan ai hte, Karai Kasang a myit masin salum kaw nna,

tsaw ra matsan dum ai lam hte shanhte a shut hpyit mara ni hpe

raw kau ya ai hku nna shadan shaleng ya ai. hkye hkrang la ai lam rai nga ai.

Shi gaw, nsin hta rawng ai ni hte si ai shingnip hta nga nga ai ni hpe

nhtoi jaw ya nna, ngwi pyaw ai de anhte hpe lam shading ya na ra ai.

 

Kawa, Kasha, Chyoi pra ai Wenyi kaw hkungga shakawn nga u ga.

Shawng npawt na hte maren, ya mung htani htana hkungga shakawn nga u ga law.

 

Laban (2 & 4)

N     : Anhte yup pyaw nga ai kaw na dum hprang na aten rai sai. Hkye hkrang la ai lam anhte kaw du magang ra ai hpe anhte kam sham ga ai.

S      : Madu a tsawra matsan myit anhte hpe jaw ya rit.

N     : Ninghtoi a kawa e, anhte nang hpe shakawn ga ai. Hkristu du sa na nhtoi du magang ra ai. Dai ni anhte hkam la ai chyoi pra hkum a marang e myit mada lam hte kabu gara lam jaw ya rit. (S)

N     : Dai ni na kabu gara shiga hte maren, na a kasha du sa na lam anhte hpe shana ya ai. Na a mungga hku nna anhte a myit masin kraw lawang ni hpe jasu ya rit. (S)

N     : Na a kasha a Hkum hte Sai hpe hkam la ai a marang e, na a tsawra myit hku nna anhte hpe shachyoi shapra la ya rit. (S)

N     : Myit hkrum lam langai sha hte simsa lam hpe anhte gaw gap lu u ga. Hkristu du sa ai aten du hkra anhte a sak prat hpe rau jawm gaw gap lu u ga. (S)

 

Madu a akyu hpyi ga

 

Hpang jahtum akyu hpyi ga (Concluding prayer)

Laban (2): Hpung shingkang hte matsan dum chye ai Karai Kasang e, Ndai prat a shani shagu na amu bungli hte masha hpe tsang lahku ai amu n’galaw ai gaw, na a kasha Yesu hte hkrum lu na hpe pat shingdang kau ya ai lam rai nga ai. Na a hpaji byengya hte anhte hpe nhtoi jahtoi ya nhtawm, nang Madu a wu hpung de anhte hpe woi awn la rit, ngu nna, htani htana ahkrung nga nna up hkang nga ai anhte a Madu Hkristu a marang e, hpyi nem nga ga ai.

 

Shaman ai ga:

Mahkra dang chye nna, hpung shingkang arawng sadang hte hpring nga ai Wa Karai Kasang gaw, anhte hpe matsan dum let, shut hpyit mara raw dat ya nna, htani htana asak de woi wa mi ga law.

S:    Amen.

 

N     :       Madu Karai Kasang Wa hpe shakawn kungdawn nga ga law.

S      :       Karai Kasang hpe chyeju dum nga ga ai.

 

 

LABAN NHTOI

SHANA DE NA AKYU HPYI GA (B)

 

Hpaw hpang ai

Ningbaw       :       Madu Karai Kasang e, ngai hpe madi shadaw ya e.

Shawa            :       Madu e, ngai hpe alawan garum shingtau la rit.

Ningbaw       :       Kawa, Kasha, Chyoi pra ai Wenyi kaw hkungga shakawn nga u ga.

Shawa            :       Shawng ningpawt na hte maren, ya mung htani htana hkungga shakawn nga u ga law.

 

Mahkawn mangoi

 

Shakawn kungdawn ga (Psalmody)

 

Rau (1) (Antiphon)

Du sa ladaw: Yu mu, Madu gaw hpung shingkang atsam kaba hte summwi jawn let du sa na ra ai.

 

                                                                                                               Shakawn kungdawn. (110: 1-5, 7)

 

Karai Kasang nye a Madu hpe tsun wu ai gaw,

“Na a gumlau ni hpe, na a lagaw kabye ai lahkum ngai shatai ai du hkra,

Nye a hkra maga e naw a dung nga u,” nga ai.

 

Karai Kasang gaw na a up hkang na sumdoi,

Ziun kaw nna jaw dat na ndai:

Nang gaw, nang hpe gumlau ai ni a ka-ang e a up nga u.

Na a hpyen majan shani e, na a amyu masha ni gaw,

Chyoi pra ai hte mawn sumli let, hkan nang mayu nga ma ai.

Jahpawt manap jau jau na mari zawn,

Na a brang ram ni nang kaw du na mara ai.

 

Karai Kasang dagam da ndai gaw:

“Nang gaw Melhkizedek a hkringhtawng lam hte maren,

Htani htana hkin jawng rai nga ndai,”

Ngu ndai rai nna, myit bai kayin na n rai.

 

Na a hkra maga e nga ai Madu gaw,

Shi a masin pawt ai nhtoi hta e,

Hkawhkam ni hpe shanyawp kau na mu ai;

 

Lam makau e lwi ai hka shi hta na shi lu na ra ai;

Dai majaw shi gaw baw sharawt na ru ai.

 

Rau (1) (Antiphon)

Du sa ladaw: Yu mu, Madu gaw hpung shingkang atsam kaba hte summwi jawn let du sa na ra ai.Alleluia.

 

Rau (2) (Antiphon)

Du sa ladaw: Madu gaw du sa nna, anhte hpe myit daw shangun na n rai, myit katu ndawt na zawn rai nga timung, myit galu ai hte shi hpe a la nga mu, shi gaw kaja wa du sa na ra ai.

 

 

Shakawn Kungdaw. (115)

Karai Kasang e, anhte hpe n rai, anhte hpe n rai:

Na a chyeju hte sadi sahka a majaw, na a mying nsang hpe sha, arawng jaw u.

“Shanhte a Karai Kasang ya kanang nga ma lu hka,”? nga nna, masha amyu ni, hpa rai tsun na ma ta?

 

Anhte a Karai Kasang gaw sumsing lamu e a nga nga ai;

Shi ra ai hku yawng mayawng shi galaw nga ai.

Shanhte a sumla ni, aja, gumhpraw, masha a lata hte galaw ai arai, rai nga malu ai.

 

shanhte n-gup tu timung, n chye shaga ma ai, myi tu timung, n mu lu ma ai.

Na tu timung, n na lu ma ai, Ladi tu, timung, n chye manam ma ai.

shanhte gaw lata hte n chye jum ma ai, Lagaw hte n chye hkawm ma ai:

Shanhte a mayu hte nsen n chye shapraw ma ai.

 

Dai ni hpe tawk tawn ai ni hte, shanhte hpe shamyet shanat ai ni yawng, shanhte hte maren rai na mara ai.

Israela e, Karai Kasang hpe shamyet shanat nga u; shi gaw, shanhte a karum ai wa hte n-gang rai nga ai.

 

Arun a dap e, Karai Kasang hpe shamyet shanat nga u: shi gaw shanhte a karum ai wa hte n-gang rai nga ai.

Karai Kasang hpe hkrit hkungga ai ni e, Karai Kasang hpe shamyet shanat nga mu;

Shi gaw, shanhte a karum ai wa hte n-gang rai nga ai.

 

Karai Kasang gaw anhte hpe a dum nga ai; shi anhte hpe shaman ya mi ai:                shi gaw Israela dap hpe shaman ya nga ai; Arun a dap hpe mung shaman ya nga ai.shi gaw Karai Kasang hpe hkrit hkungga ai ni, Kaji kaba yawng hpe, shaman ya nga ai.

 

Karai Kasang gaw nanhte hte, nanhte a kashu kasha ni hpe, law htam wa shangun malit ga.

Lamu hte aga hpe hpan da ai Karai Kasang gaw, nanhte hpe shaman ya myit ga.

 

Sumsing lamu gaw, Karai Kasang a lamu rai nga ai, Ginding aga hpe chyawm gaw,

shinggyim masha ni hpe ap ya sai. Si mat ai ni e, katsi katsang re ai shara de, yu hkrat wa ai ni,

Karai Kasang hpe shakawn lu ma ai n rai.

 

Anhte chyawm gaw, ya kaw nna, htani htana du hkra,

Karai Kasang hpe shakawn kungdawn nga na ga ai.

 

Rau (2) (Antiphon)

Du sa ladaw: Madu gaw du sa nna, anhte hpe myit daw shangun na n rai, myit katu ndawt na zawn rai nga timung, myit galu ai hte shi hpe a la nga mu, shi gaw kaja wa du sa na ra ai.

 

Rau (3) (Antiphon)

Du sa ladaw: Madu gaw, anhte a tara agyi hte anhte a Hkawhkam rai nga ai. Shi du sa nna anhte hpe jahkum shatsup ya na ra ai.

 

 

Shingran (19:1-2, 5-7)

 

Dai hte a hpang e sumsing lamu kata e wunawng wuwa law law a wu ai nsen kaba gaw,

Haleluya: Hkye hkrang la ai lam hpung shingkang hte hpung dagu gaw anhte a Karai Kasang hte seng nga ai:

 

shi a tara dara ai lam ni teng man ai hte ding hpring nga lu ai; hpye ai amu hte ga ningtsa ting hpe shut hpyit shangun ai shawa num kaba hpe shi daw dan nna, shi a shangun ma ni a asai matai, dai num a ntsa e bai htang ya nu ai law, nga nna tsun ai, ngai na nngai.

 

Bai dai tingnyang kaw na nsen pru ai gaw, Karai Kasang a shangun ma ni   ngu ai,

shi hpe hkrit kamyin ai kaji kaba yawng hte e, anhte a Karai Kasang hpe shakawn kundawn mu law, ngu nna tsun ai.

 

Bai wunawng wuwa law law a nsen zawn, hka law law kadu ai a nsen zawn, mu ngoi kaba ai nsen zawn,

Haleluya: Chyahtum chyalai n-gun rawng ai Madu anhte a Karai Kasang gaw, a up nga ai.

 

Anhte kabu gara nga ai hte sharawng awng nga ga, shi a hpung shingkang hpe shagrau nga ga: kaning rai nme law, dai Sagu Kasha a hkungran ai poi du ra ai hte, shi a num ningnan jan gaw shi hkum hpe mawn sumli ngut sai.

 

 

Rau (3) (Antiphon)

Du sa ladaw: Madu gaw, anhte a tara agyi hte anhte a Hkawhkam rai nga ai. Shi du sa nna anhte hpe jahkum shatsup ya na ra ai.

 

 

Chyum mungga                                                                                                                                           Hpilip 4: 4-5

                Dai Madu hta tut nawng e kabu gara nga mu; bai ngai tsun nngai, kabu gara nga mu. Masha yawng mayawng nanhte a sumnung ai myit hpe chye wa mu ga. Dai Madu gaw ni magang wa ra ai.

 

Shagrau aw law ga ( Benedictus ant.)

S      : Madu e, na a ngang kang ai tsawra myit anhte hpe madun ya rit.

N     : Na a hkye hkrang la ai lam mung, anhte hpe jaw ya rit. (S)

N     : Kawa, Kasha, Chyoi pra ai wenyi kaw hkungga shakawn nga u ga. (S)

 

Shakawn mahkawn gadun (Short responsory)

Laban (2): Maria e, nang a lu nit dai; Kaning rai nme law, nang kam sham myit rawng nga ndai. Karai Kasang a ga sadi nang hta dik wa na ra ai. Alleluia.

 

                                                                                Maria a mahkawn ga (Magnificat) Luka 1: 46-55

 

Nye myit masin dai Madu hpe shagrau li ai; Nye wenyi mung ngai hpe hkye la ai

Madu Karai Kasang hta kabu gara li ai; Shi a mayam jan a myit gyip ai hpe shi mada yu nu ai;

Yu u, ya kaw nna shu mashi shu masha prat dingsa, ngai hpe a lu ai, ngu na ma ni ai.

 

Atsam rawng ai wa gaw, ngai hpe galu kaba ai galaw ni ai; Shi a amying nsang chyoi pra lu ai;

Shi hpe hkrit kamyin ai ni a ntsa e, shu mashi shu masha du hkra, Shi a matsan dum ai myit a nga nga ai.

 

Shi a lahpum hte atsam pra di nu ai; Tinang kraw e maw ai hku hta gumrawng nga ai ni hpe,

shi shabra kau nu ai. Du magam ni hpe tingnyang na jahkrat kau nna, myit gyip ai ni hpe shagrau ya nu ai.

Kawsi hkrum ai ni hpe kaja ai hte jahkru shakat nna, Sut su ai ni hpe kaman dat dat nu ai.

 

Anhte a ji wa ni hpe tsun da sai hte maren, Abraham hte shi a kashu kasha ni hpe

Prat dingsa matsan dum ai lam dum nga na matu, Shi a shangun ma Israela hpe lanu lahku nu ai,

 

Kawa, Kasha, Chyoi pra ai Wenyi kaw hkungga shakawn nga u ga.

Shawng npawt na hte maren, ya mung,htani htana hkungga shakawn nga u ga law.

 

Laban (2 & 4)

N     : Nam mali kaw Yawhan a jahtau ai nsen gaw, dai na na nawku hpung a nsen hpungtang rai nga ai.

S      : Madu e, anhte a masin salum ni hpe shajin ya rit.

N     : Nang Madu anhte hpang de du sa ai lam gaw, ndai Du Sa Ai Ladaw a shaman chyeju rai nga ai.(S)

N     : Bungli galaw ai masha ni gaw, grau rap ra ai mungkan hpe gyin shalat lu mu ga. (S)

N     : Ndai bat laman hta anhte a dinghku masha ni hte manaw manang ni hpe chye na hkap la lu u ga. (S)

N     : Anhte a si hkrung si htan lam tara jeyang daw dan ai lam hte htani htana asak hkrung lam gaw nang Madu hte rau rai nga u ga. (S)

 

Madu a akyu hpyi ga

 

Hpang jahtum akyu hpyi ga (Concluding prayer)

Laban (2): Hpung shingkang hte matsan dum chye ai Karai Kasang e, Ndai prat a shani shagu na amu bungli hte masha hpe tsang lahku ai amu n’galaw ai gaw, na a kasha Yesu hte hkrum lu na hpe pat shingdang kau ya ai lam rai nga ai. na a hpaji byengya hte anhte hpe nhtoi jahtoi ya nhtawm, nang Madu a wuhpung de anhte hpe woi awn la rit, ngu nna, htani htana ahkrung nga nna up hkang nga ai anhte a Madu Hkristu a marang e, hpyi nem nga ga ai.

 

Shaman ai ga:

Mahkra dang chye nna, hpung shingkang arawng sadang hte hpring nga ai Wa Karai Kasang gaw, anhte hpe matsan dum let, shut hpyit mara raw dat ya nna, htani htana asak de woi wa mi ga law.

S:    Amen.

 

N     :       Madu Karai Kasang Wa hpe shakawn kungdawn nga ga law.

S      :       Karai Kasang hpe chyeju dum nga ga ai.