Wa Sarabyin Francis gaw, anhte yawng, Shata shagu Mungkan ting a matu laksan akyu hpyi ya na yaw shada lam masat da let, shaning shagu dai lam ni hpe shadum jahprang ka madun da nga ai. Shata shagu hta mungkan ting kaw nga ai hpung masha ni yawng, Wa Sarabyin yaw shada ai lam a matu akyu hpyi ya nga ai. Nang hpe mung ndai akyu hpyi ai lam hta shang lawm na matu Wa Sarabyin saw shaga nga ai.  2018 ning a matu Wa Sarabyin yaw shada ai akyu hpyi na lam ni gaw lawu na hte maren rai nga ai.

January – 2018

ASHA MUNGDAN HTA NGA AI N LAW NHTAM AI MAKAM MASHAM HPUNG NI

Asha Mungdan ni hta  nga ai Hkristan ni hte n law n htam ai makam masham hpung ni gaw, tinang a makam masham hpe awmdawm lawt ai hte hkan sa shatup lu na matu

Asha Mungdan gaw makam masham hpung ni law ai shara rai nga ai. Grau nna, htunghking Makam masham hte seng nna tsawm htap ai shara re. Makam masham hpung ni langai hte langai hkunga ai hte shada kanawn ai lam gaw, Karai Kasang a manu hpe madun ai ahkyak ahkya lam rai nga ai. Amyu, makam masham law ai hpung kaba ni gaw, amyu kaji, makam masham hpung kaji ni hpe hkungga ai lam hte shanhte a makam masham hpe awmdawm lawt ai hte hkan sa shatup lu na matu seng ang ai Mungdan asuya ni ahkang jaw ra ai. Dai ni Asia Mungdan shara n kau mi hta makam masham hpung n kau mi dai ahkaw ahkang hpe n lu ga ai. Dai majaw, anhte akyu hpyi let ndai zawn lam ni kaw nna lawt lu na matu akroi anoi akyu hpyi ya ra ai.